موقف محرج بحياتك

انا نهفاتي كثار بصراحة ولنبدأ بهاي
اسمع يا سيدي

هاد انا مرة رحت على جنازة واحد شب عربي ( وطبعا انا بقول عربي لاني ساكنة ببلد اجنبية) المهم خلصو المراسيم وصار بدهم ياخذوه على المقبرة ليدفنوه المهم طلعت الجنازة وانا تاخرت شوي لطلعت ورا الجنازة مع صاحبتي واحنا على الطريق لقيت السيارة تبعت الموتى وطابور سيارات وراها وظليت وراهم حوالي العشر دقايق لبين ما وصلنا المقبرة ونزلت هالعالم وصارو ينزلو التابوت وانا وصاحبتي واقفين على جنب واحنا قاعدين عم نجوح وننوح على الشب وشوي انا اتطلعت بالناس اللي حاملين التابوت واستغربت لانو هالاشكال اول مرة بشوفهم بصراحة والناس اللي صارت تنزل من السيارات ما عرفت حدا منهم وشكلهم مو عرب وصار التابوت قدامنا تقريبا والعالم حوالينا ولما شفت انو ما طلعت هي نفسها الجنازة اللي احنا رايحين عليها قمت فقعت هديك الضحكة بين كل الناس وما قدرت امسك حالي وصاحبتي فهمت الموضوع وتضحك والناس تتفرج علينا وتقول اكيد هدول انجنو شي يبكو وشي يضحكو ومفكرين انو احنا مصدومين مشان اللي مات مو عارفين الهبل اللي احنا فيه وواقفين عم ندفن ميت ثاني وطبعا ما تنسو هاد غير العشر دقايق اللي ماشية فيهم مع الجنازة انا لوصلنا المقبرة هههههههههههههههههههههه
منقولابربكم شفتم احلى من هيك هبل

بصراحه
مشفتش هبل أكتر من كده
مشكور على النقل